"Бавария" клуби УEФА қарори устидан апелляция бермаслигини, унга кўра жамоа навбатдаги еврокубок ўйинини меҳмонда ўз мухлисларисиз ўтказишини маълум қилди. Мюнхенликлар вазиятни ўрганиб, УEФА жазосини қабул қилишди.
“Биз бу жазони қабул қилишимиз керак. Пиротехника воситалари нафақат портлади, балки атайлаб майдонга ташланди ва бошқаларни бевосита хавф остига қўйди. Бу қоидани аниқ бузиш эдики, апелляция беришдан маъно йўқ", - деди "Бавария" бош директори Ян-Кристиан Дризен.
Шу тариқа, “Бавария” мухлислари жамоанинг Чемпионлар лигаси чорак финали доирасидаги сафар учрашувида трибунада бўлмайди.
