Chempionlar Ligasini yangi formatda qanday bo‘lishini tasavvur qilish hali ham qiyin.
Xabaringiz bor, kelasi mavsumdan boshlab klublar o‘rtasidagi asosiy turnirda guruh bosqichi o‘tkazilmaydi. Bu bosqich bitta ligaga almashtiriladi, bunda har bir jamoa turli raqiblarga qarshi sakkizta o‘yin o‘tkazadi (to‘rtta o‘yin uyda, to‘rtta o‘yin safarda). Chempionlar ligasi qur’a tashlash jarayoni murakkablashadi, shuning uchun jarayonga kompyuter aralashadi - tegishli dasturiy ta’minot allaqachon ishlab chiqilmoqda.
Ayni paytda, The Times qiziqarli tafsilotdan xabardor qildi - pley-offda liganing eng yaxshi ikki jamoasi finalgacha to‘qnash kela olmaydi. Futbol bu qoidani tennisdan olgan.
