Puma "Barselona"ga Nike'dan ko‘ra qulayroq hamkorlik shartlarini taklif qiladi.

"Blaugrana" o‘z brendi ostida formalarni chiqarish haqidagi fikrini o‘zgartirdi va hozir Amerika kompaniyasi bilan hamkorlikni davom ettirish yoki nemis kompaniyasiga o‘tishni tanlamoqda.

Hozircha Puma bilan hamkorlik ehtimoli yuqoriroq ko‘rinadi. Bu holda kataloniyaliklar shartnoma tuzgani uchun 100 million yevro oladi, yillik to‘lov 120 millionni tashkil qiladi.

Hozirda Nike har mavsumda 85 million to‘laydi, yana 20 million bonus sifatida taqdim etiladi. Qolaversa, shartnomada hattoki, "Barselona"ning ma’lum maqsadlariga erisha olmagani uchun jarima ham bor.

Kataloniyaliklar hozir Nike'dan so‘nggi taklifni kutmoqda. Ilgari taklif qilingan shartlar hozirgilardan oshmadi.