Germaniya terma jamoasi bosh murabbiyi Yulian Nagelsmann nima uchun shtutgartliklarning 4 nafar futbolchisini jamoaga chaqirishga qaror qilganini tushuntirdi.
“Bu mavsum “Shtutgart”da ishlar juda yaxshi ketmoqda. Men bu jamoadan yana ikki-uch kishini chaqirishim mumkin edi. Valdemar Anton juda yaxshi himoyachi, shuningdek, hujumkor impulsga ega. Mittelshtedt ayni damda Bundesligadagi eng barqaror chap qanot himoyachisi. Statistikaga ko‘ra, u chempionatning eng yaxshi chap qanot himoyachisi.
Kris Furich juda qimmatli o‘yinchi. Deniz Undav bo‘sh joy topish uchun ajoyib qobiliyatga ega. U ko‘p yuguradi, mehnatsevar va yaxshi gol urish instinktiga ega", - deya tushuntirdi Nagelsmann matbuot anjumanida.
