Chempionlar ligasida sakkizta jamoa qoldi, ular juma kuni qur’a tashlash orqali chorak final juftliklariga joylashadilar. Ayni paytda Opta mutaxassislari har bir jamoaning qit’adagi klub futbolida bosh sovrinni qo‘lga kiritish imkoniyatlarini hisoblab chiqdi.
Demak, Chempionlar ligasining asosiy favoriti – “Manchester Siti”. Pep Gvardiola jamoasining chempionlikni himoya qilish imkoniyati 32,3 foizga baholanmoqda.
Bu o‘ziga xos reytingda keyingi o‘rinlarda "Real Madrid" (16,87%), "Arsenal" (13,09%) va "PSJ" (11,8%) joylashgan. Reytingning ikkinchi yarmidagi jamoalar: "Bavariya" (10,75%), "Borussiya" (5,62%), "Barselona" (5,38%) va "Atletiko Madrid" (4,19%).
