"Barselona" rahbariyati Eduard Romeu iste’foga chiqqanini e’lon qildi. U klubning iqtisodiy masalalar bo‘yicha vise-prezidenti edi. Bayonotda Romeu ishni o‘z salohiyati bilan bajara olmasligini tilga oldi.
"Barselona" prezidenti Joan Laporta Eduard Romeuning iste’fosini qabul qildi va unga klubning iqtisodiy ahvolini yaxshilashdagi faoliyati uchun minnatdorchilik bildirdi.
"Barselona" hozirda La Liga turnir jadvalida 3-o‘rinni egallab turibdi. Xavi shogirdlari “Jirona”dan bir ochko, “Real”dan 8 ochko ortda qolmoqda.
“Ko‘k-anorranglilar” navbatdagi o‘yinini 17 mart, yakshanba kuni safarda “Atletiko Madrid”ga qarshi o‘tkazadi.
