"Барселона" раҳбарияти Эдуард Ромеу истеъфога чиққанини эълон қилди. У клубнинг иқтисодий масалалар бўйича вице-президенти эди. Баёнотда Ромеу ишни ўз салоҳияти билан бажара олмаслигини тилга олди.
"Барселона" президенти Жоан Лапорта Эдуард Ромеунинг истеъфосини қабул қилди ва унга клубнинг иқтисодий аҳволини яхшилашдаги фаолияти учун миннатдорчилик билдирди.
"Барселона" ҳозирда Ла Лига турнир жадвалида 3-ўринни эгаллаб турибди. Хави шогирдлари “Жирона”дан бир очко, “Реал”дан 8 очко ортда қолмоқда.
“Кўк-анорранглилар” навбатдаги ўйинини 17 март, якшанба куни сафарда “Атлетико Мадрид”га қарши ўтказади.
