"Chelsi" bosh murabbiyi Maurisio Pochettino mavsumdan kutganlari haqida gapirdi. Yakshanba kuni “Chelsi” Angliya kubogi chorak finalida “Lester”ga qarshi o‘ynaydi.
“Bu g‘alati yil. Ba’zida umidlar katta, ba’zan esa past bo‘ladi. Ba’zida yomg‘ir yog‘adi va ba’zida quyoshli chiqadi. Agar “Lester”ni mag‘lub etsak, bu biz uchun juda muhim bo‘ladi. "UYEmbli"da o‘ynash uchun yana bir imkoniyat.
Bizda Angliya kubogi orqali yevrokuboklarga chiqish uchun ajoyib imkoniyat bor. Lekin biz “Lester”ning chempionshipda juda yaxshi harakat qilayotganini va ularda fantastik murabbiy borligini ko‘ryapmiz. Bu juda qiyin o‘yin bo‘ladi. Ularning menejeri ajoyib ish qilyapti, bu qiyin bo‘ladi, shuning uchun mavsumning so‘nggi bosqichida biz ko‘proq birdam bo‘lishimiz kerak", - dedi “Chelsi” bosh murabbiyi Maurisio Pochettino.
