"Челси" бош мураббийи Маурисио Почеттино мавсумдан кутганлари ҳақида гапирди. Якшанба куни “Челси” Англия кубоги чорак финалида “Лестер”га қарши ўйнайди.
“Бу ғалати йил. Баъзида умидлар катта, баъзан эса паст бўлади. Баъзида ёмғир ёғади ва баъзида қуёшли чиқади. Агар “Лестер”ни мағлуб этсак, бу биз учун жуда муҳим бўлади. "Уембли"да ўйнаш учун яна бир имконият.
Бизда Англия кубоги орқали еврокубокларга чиқиш учун ажойиб имконият бор. Лекин биз “Лестер”нинг чемпионшипда жуда яхши ҳаракат қилаётганини ва уларда фантастик мураббий борлигини кўряпмиз. Бу жуда қийин ўйин бўлади. Уларнинг менежери ажойиб иш қиляпти, бу қийин бўлади, шунинг учун мавсумнинг сўнгги босқичида биз кўпроқ бирдам бўлишимиз керак", - деди “Челси” бош мураббийи Маурисио Почеттино.
