“An-Nasr” hujumchisi Krishtianu Ronaldu penaltilarni golga aylantirishda davom etmoqda. Portugaliyalikning yana bir penaltidan kiritgan goli jamoasiga Saudiya Arabistoni chempionatining muhim o‘yinida “Al-Ahli” ustidan minimal g‘alaba keltirdi.

Qizig‘i shundaki, Ronaldu uchun bu ketma-ket 21-penaltidan kiritgan goli bo‘ldi. U ikki yil davomida bironta ham xatoga yo‘l qo‘ygani yo‘q.

Krishtianu oxirgi marta 2022 yilning fevralida (“MYU” safida “Midlsbro”ga qarshi o‘yinda) penaltini aniq amalga oshira olmagan edi.