"Nyukasl"ning o‘ng qanot himoyachisi Tino Livramento "Chelsi"ni qanday tark etganini esladi. Londonliklar istiqbolli lateralni 2021 yilning yozida "Sautgempton"ga sotishdi. Ikki yildan so‘ng futbolchini "Nyukasl" sotib oldi va u "avliyolar"ga 37 million yevrodan ko‘proq pul to‘ladi.
“Men yetti yoshimdan beri “Chelsi”daman. Albatta, u yerdan ketish qiyin bo‘ldi, lekin menimcha, bu qaror to‘g‘ri bo‘ldi. Men o‘z xohishimga qarshi sotilmaganman. Har doim "Chelsi"ni yaxshi ko‘raman va klubda o‘ynashni xohlardim, lekin transferga qarshi emas edim, chunki "Sautgempton"ga o‘tish men uchun to‘g‘ri harakat deb o‘ylagandim. Muntazam o‘yin amaliyoti kerak edi", - deya Livramentodan iqtibos keltiradi Telegraph.
