"Ньюкасл"нинг ўнг қанот ҳимоячиси Тино Ливраменто "Челси"ни қандай тарк этганини эслади. Лондонликлар истиқболли латерални 2021 йилнинг ёзида "Саутгемптон"га сотишди. Икки йилдан сўнг футболчини "Ньюкасл" сотиб олди ва у "авлиёлар"га 37 миллион евродан кўпроқ пул тўлади.
“Мен етти ёшимдан бери “Челси”даман. Албатта, у ердан кетиш қийин бўлди, лекин менимча, бу қарор тўғри бўлди. Мен ўз хоҳишимга қарши сотилмаганман. Ҳар доим "Челси"ни яхши кўраман ва клубда ўйнашни хоҳлардим, лекин трансферга қарши эмас эдим, чунки "Саутгемптон"га ўтиш мен учун тўғри ҳаракат деб ўйлагандим. Мунтазам ўйин амалиёти керак эди", - дея Ливраментодан иқтибос келтиради Telegraph.
