Bu haqda "Reynjers" rasmiy saytida xabar tarqatdi. Jamoaning Shotlandiya chempionati doirasidagi yakshanba kuni safarda bo‘lib o‘tadigan "Dandi"ga qarshi o‘yini keyingi kunga qoldirildi. Sababi maydonning yomon ahvoli.
"Reynjers" o‘z bayonotida "Dandi" faqat o‘yin kuni maydon haqida o‘z xavotirlarini bildirganidan g‘azablangan. O‘yinni boshqa muddatga qoldirish to‘g‘risida qaror qabul qilingan vaqtda "Reynjers" ham, klub muxlislari ham stadionga yetib borgan edi.
Eslatib o‘tamiz, "Reynjers" hozirda Shotlandiya chempionati turnir jadvalida ikkinchi o‘rinda bormoqda. Jamoa bir o‘yin kam o‘tkazgan holda "Seltik"dan bir ochko ortda qolmoqda.
