"Barselona" bosh murabbiyi Xavi Ernandes chap qanot himoyachisi Ektor Fortning "Atletiko"ga qarshi o‘yini haqida fikr bildirdi. 17 yoshli ispaniyalik futbolchi 82 daqiqani maydonda o‘tkazdi va "ko‘k-anorranglilar"ning yirik 3:0 hisobida g‘alaba qozonishiga yordam berdi.
“Fort “Atletiko”ga qarshi yaxshi o‘ynadi. U pozisiyadan tashqarida edi, lekin yaxshi ishladi. Ektor o‘z vazifasini murakkablashtirmaydi va oddiy qarorlar qabul qilishga harakat qiladi. Shu bilan birga, u xarakter va jasorat ko‘rsatadi. Eng muhimi, unda muvaffaqiyatga erishish istagi bor", - dedi Xavi matbuot anjumanida.
La Liganing joriy mavsumidagi to‘rtta o‘yinda Fort bitta golli uzatmani amalga oshirdi.