"Bavariya" bosh murabbiyi Tomas Tuxel jamoaning yangi futbolchisi bilan munosabatlarini buzdi. Gap yanvar oyida Myunxen jamoasiga "Granada"dan kelib qo‘shilgan vinger Brayan Saragosa haqida ketmoqda.

Tomas rahbariyatdan yanvar oyida jamoaga tezda moslashib ketadigan yangi hujumkor futbolchi sotib olishni so‘radi. Muammo shundaki, Brayan na ingliz, na nemis tillarida gapiradi, bu esa moslashish jarayonini murakkablashtiradi. Shu boisdan Saragosa murabbiydan ishonchsizlik his qilmoqda.

Manbaning ta’kidlashicha, "Bavariya" rahbariyati Brayanga uzoq muddatda umid qilmoqda. Tuxel yozda ketganidan so‘ng Saragosa jamoada yangi hayot boshlaydi.