"Bavariya" hujumchisi Erik Chupo-Moting hali kamida yana bir mavsum jamoada qolishi mumkin. Jurnalist Florian Plettenbergning so‘zlariga ko‘ra, rahbariyat haligacha kamerunlik futbolchini muddati tugaydigan shartnomasi uzaytirilmasligi haqida ogohlantirmagan.

Qayd etilishicha, Chupo-Moting “Bavariya” kiyinish xonasida juda mashhur figura hisoblanadi. Agar kamerunlik yangi murabbiyga foydali bo‘lsa, rahbariyat futbolchiga shartnomani uzaytirishni taklif qiladi.

Avvalroq Chupo-Motingga "Barselona" qiziqayotgani xabar qilingan edi. Joriy mavsumda Erik Bundesligada 22 ta o‘yinda maydonga tushib, 2 ta gol urdi va 1 ta golli uzatmani amalga oshirdi.