"Inter" va "Chelsi" klublarining sobiq bosh murabbiyi Antonio Konte "Bavariya"ning yangi bosh murabbiyi bo‘lishi mumkin.
Bu haqda La Republica xabar bermoqda.
Manbaning ta’kidlashicha, "Bavariya" allaqachon italiyalikka aloqaga chiqqan, ammo endi klub murabbiy bilan yana bog‘lanmoqchi.
Ma’lum qilinishicha, Kontening o‘zi faoliyatini Italiya A seriyasida davom ettirishni xohlaydi, biroq “Bavariya”da ishlashdan bosh tortmaydi.
Eslatib o‘tamiz, “Bavariya”ning amaldagi ustozi Tomas Tuxel yozda jamoani tark etadi.
