Fransiya terma jamoasi va "Bavariya"ning sobiq yarim himoyachisi Frank Riberi Italiya klublaridan birining murabbiylar shtabiga qo‘shiladi.
Bu haqda insayder Nikolo Skira ma’lum qildi. Fransiyalik futbolchi "Salernitana"ning yangi bosh murabbiyi Stefano Kolantuononing yordamchisiga aylanadi.
Ushbu mutaxassis joriy mavsum oxirigacha jamoani boshqaradi.
"Salernitana" Italiya A seriyasining asosiy autsayderi hisoblanadi. 29 turdan keyin jamoa bor-yo‘g‘i 14 ochko to‘plagan va 19-o‘rindagi “Sassuolo”dan 9 ochko ortda qolmoqda.
Jamoaning navbatdagi o‘yini safarda "Bolonya"ga qarshi bo‘ladi. Uchrashuv 1 aprel kuni bo‘lib o‘tadi.
