Франция терма жамоаси ва "Бавария"нинг собиқ ярим ҳимоячиси Франк Рибери Италия клубларидан бирининг мураббийлар штабига қўшилади.
Бу ҳақда инсайдер Николо Скира маълум қилди. Франциялик футболчи "Салернитана"нинг янги бош мураббийи Стефано Колантуононинг ёрдамчисига айланади.
Ушбу мутахассис жорий мавсум охиригача жамоани бошқаради.
"Салернитана" Италия А сериясининг асосий аутсайдери ҳисобланади. 29 турдан кейин жамоа бор-йўғи 14 очко тўплаган ва 19-ўриндаги “Сассуоло”дан 9 очко ортда қолмоқда.
Жамоанинг навбатдаги ўйини сафарда "Болонья"га қарши бўлади. Учрашув 1 апрель куни бўлиб ўтади.