Germaniya terma jamoasi bosh murabbiyi Yulian Nagelsmann mart oyidagi o‘rtoqlik o‘yinlari uchun tarkib tanlash haqida fikr bildirdi.
"Bavariya" yarim himoyachisi Leon Goreska joriy yig‘inga taklif etilganlar ro‘yxatiga kiritilmagani ko‘pchilikni hayratda qoldirdi. Jurnalistlar bosh murabbiyga tegishli savolni berishdi, shuningdek, Dortmundning "Borussiya" futbolchilari yo‘qligi haqida ham so‘rashdi.
"Joriy Bundesliga yakunlanishiga ko‘p o‘yinlar bor, shuning uchun terma jamoa eshigi hali hech kim uchun yopiq emas", - dedi Nagelsmann matbuot anjumanida.
