"Yuventus" rahbariyati Antonio Konteni bosh murabbiy etib tayinlash imkoniyatini jiddiy ko‘rib chiqmoqda.
Taxminlarga ko‘ra, hozirda "Byankonerilar" boshqaruvchisi lavozimini egallab turgan Massimiliano Allegri mavsum oxirida jamoani tark etish ehtimoli yuqori. Klub allaqachon unga o‘rinbosar qidirmoqda va bir necha kun avval xabar qilinganidek, asosiy nomzodlar Konte (ishsiz) va Tyago Motta ("Bolonya") bo‘lib turibdi.
Jurnalist Rudi Galettining yangilanishiga ko‘ra, "Yuventus" allaqachon Kontening qaytishi ustida ish boshlagan.
Eslatib o‘tamiz, Antonio Konte o‘tgan bahorda "Tottenxem"ni tark etganidan beri ishsiz. Italiyalik mutaxassis 2011 yildan 2014 yilgacha "Yuventus"da ishlagan.
