"Ювентус" раҳбарияти Антонио Контени бош мураббий этиб тайинлаш имкониятини жиддий кўриб чиқмоқда.
Тахминларга кўра, ҳозирда "Бьянконерилар" бошқарувчиси лавозимини эгаллаб турган Массимилиано Аллегри мавсум охирида жамоани тарк этиш эҳтимоли юқори. Клуб аллақачон унга ўринбосар қидирмоқда ва бир неча кун аввал хабар қилинганидек, асосий номзодлар Конте (ишсиз) ва Тьяго Мотта ("Болонья") бўлиб турибди.
Журналист Руди Галеттининг янгиланишига кўра, "Ювентус" аллақачон Контенинг қайтиши устида иш бошлаган.
Эслатиб ўтамиз, Антонио Конте ўтган баҳорда "Тоттенхэм"ни тарк этганидан бери ишсиз. Италиялик мутахассис 2011 йилдан 2014 йилгача "Ювентус"да ишлаган.
