Chili terma jamoasi o‘rtoqlik o‘yinida Albaniyani mag‘lub etdi va chililik hujumchi Aleksis Sanches o‘z o‘yini haqida fikr bildirdi.

Uning so‘zlariga ko‘ra, u o‘zining “Inter” klubida kamdan-kam holatlarda maydonga tushadi va shuning uchun ham o‘zining optimal formasini saqlab qolishi qiyin.

"Jamoaning o‘yini haqida gapiradigan bo‘lsak, hamma yaxshi o‘ynadi. Lekin shaxsan men bu mavsumda ko‘p o‘ynamadim va bunday sharoitda yaxshi sport formasini saqlab qolish qiyin", - deya Aleksis Sanchesning so‘zlarini keltiradi fcinter1908.it.

Eslatib o‘tamiz, chililik hujumchi o‘zining hozirgi jamoasiga o‘tgan yili qaytgan va ungacha bir mavsumni Fransiyaning "Marsel"ida o‘tkazgandi.