"Real" hujumchisi Vinisius Junior braziliyalik jamoadoshi Endrik haqida gapirdi. Shanba kuni "pentakampeonlar" "Uembli"da Angliya jamoasi bilan uchrashishdi.
Uchrashuv mehmonlarning minimal hisobdagi g‘alabasi bilan yakunlandi va yagona gol 17 yoshli Endrik tomonidan kiritildi. "Real Madrid"ning bo‘lajak yangi futbolchisi uchun bu uning Braziliyaning asosiy terma jamoasidagi debyut goli.
"Umid qilamanki, Endrik va men birgalikda ajoyib ishlarni qila olamiz", dedi Vinisius o‘yindan keyingi intervyusida. "Bu braziliyaliklarning yangi avlodi tarix yaratish va uni qayta yozish uchun keladi", dedi "Los Blankos"ning 23 yoshli forvardi.
