Shanba kuni "Enfild"da "Liverpul" va "Ayaks" jamoalari o‘rtasidagi uchrashuv bo‘lib o‘tdi. Ikkinchi bo‘limda bir muxlis futbol maydoniga yugurdi.

Yigit “qizillar”ning sobiq sardori Stiven Jerrardning oldiga yugurib kelib, u bilan selfi olishga qaror qildi.

Reja amalga oshdi – Jerrard rad etmadi, ta’bir joiz bo‘lsa, stadion xavfsizlik xodimlari vaziyatga jiddiy aralashib o‘tirmadi.

Ular yigitning "Liverpul" afsonasi bilan suratga tushishini bir necha soniya kutishdi va shundan keyingina uni maydondan kuzatib qo‘yishdi.