"Atletiko Madrid" markaziy himoyachisi Mario Ermoso hali klub bilan yangi shartnoma imzolashdan uzoqda. Jurnalist Fabrisio Romano bergan ma’lumotlarga ko‘ra, ispaniyalik futbolchining mavsum oxirida "matraschilar"ni erkin agent sifatida tark etishi ehtimoli ortib bormoqda.
Ermoso uchun asosiy da’vogarlar “Barselona” va Turinning “Yuventus” klublari ekani avvalroq xabar qilingandi. Biroq manba bu ma’lumot haqiqatga to‘g‘ri kelmasligini da’vo qilmoqda.
Shuningdek, so‘nggi paytlarda Unai Emeri bosh murabbiyligidagi Angliyaning "Aston Villa" klubi ham Ermosoni o‘z safiga taklif qilmoqchi ekani haqida xabarlar tarqaldi.
