"Атлетико Мадрид" марказий ҳимоячиси Марио Эрмосо ҳали клуб билан янги шартнома имзолашдан узоқда. Журналист Фабрицио Романо берган маълумотларга кўра, испаниялик футболчининг мавсум охирида "матрасчилар"ни эркин агент сифатида тарк этиши эҳтимоли ортиб бормоқда.

Эрмосо учун асосий даъвогарлар “Барселона” ва Туриннинг “Ювентус” клублари экани аввалроқ хабар қилинганди. Бироқ манба бу маълумот ҳақиқатга тўғри келмаслигини даъво қилмоқда.

Шунингдек, сўнгги пайтларда Унаи Эмери бош мураббийлигидаги Англиянинг "Астон Вилла" клуби ҳам Эрмосони ўз сафига таклиф қилмоқчи экани ҳақида хабарлар тарқалди.