Argentina terma jamoasi yarim himoyachisi Aleksis Makallister Argentina terma jamoasining asosiy yulduzisiz – Lionel Messisiz o‘ynashi haqida gapirdi.
Xabaringiz bor, Messi sog‘ligidagi muammolar tufayli terma jamoaning mart oyidagi yig‘inini o‘tkazib yuboradi.
"Biz har doim jamoaga katta e’tibor beramiz. Biz bilamizki, Messi yo‘q bo‘lsa, biz yanada kuchliroq bo‘lishimiz kerak, chunki biror narsa noto‘g‘ri bo‘lsa, bizni qutqaradigan o‘yinchi yo‘q.
Bilamizki, Leo bor bo‘lsa, raqiblarimiz bizdan ko‘proq qo‘rqishadi, bu normal holat. Ammo bizda Yevropaning yirik klublarida o‘ynaydigan boshqa yirik futbolchilar ham bor", — dedi Makallister ESPNga.
