"Real" yarim himoyachisi Jud Bellingem angliyalik jamoadoshi Kobbi Maynuning o‘yini haqida gapirdi. "Manchester Yunayted"ning 18 yoshli yarim himoyachisi Belgiya bilan o‘rtoqlik uchrashuvida asosiy tarkibda maydonga tushdi.

"Maynu uchun bu oqshom yaxshi o‘tdi. Men hozir keksa odamdek gapiryapman va uning atrofida shov-shuv ko‘pligini bilaman, lekin u, albatta, ajoyib o‘yinchi. “Manchester Yunayted”da va Angliya bilan ajoyib kelajagi bor”, dedi Bellingem.

Kobbi Maynu uchun o‘yin "uch sherlar" doirasidagi ikkinchi o‘yin bo‘ldi.