Germaniya terma jamoasi yarim himoyachisi Toni Kroos jamoasining ketma-ket ikkinchi g‘alabasi haqida fikr bildirdi. Yulian Nagelsmann shogirdlari Niderlandiya terma jamoasi bilan o‘rtoqlik uchrashuvida g‘alaba qozondi (2:1).
“Men jamoa bilan faxrlanaman. Biz so‘nggi o‘yindagi tezlikni va o‘zimizga bo‘lgan ishonchni saqlab qoldik. Bir necha oy oldin, agar biz o‘yin boshida gol o‘tkazib yuborgan bo‘lsak, mag‘lub bo‘lardik, ammo bugun bu sodir bo‘lmadi.
Yaxshi xabar shundaki, biz ikkita ajoyib o‘yin o‘tkazdik, yomon xabar shundaki, bu bizga Yevro uchun ochko olib kelmaydi. Umid qilamanki, turnir davomida ishonch bizda qoladi", - deydi Kroos.
