"Roma"ga ijaraga berilgan "Chelsi" hujumchisi Romelu Lukaku mavsum oralig‘ida sotilishi mumkin.
30 yoshli futbolchining rimliklar safida o‘ynashni davom ettirishi dargumon, chunki klub uchun "Chelsi"ning transfer talabini qondirish qiyin bo‘ladi va qayta ijaraga berish varianti londonliklarga mos kelmaydi. TMW ta’kidlaganidek, belgiyalik futbolchini sotib olish va maoshi bilan bog‘liq barcha xarajatlarni hisobga olgan holda sof yo‘qotishlarga yo‘l qo‘ymaslik uchun kelasi yozda "ko‘klar" Lukakuni sotishdan kamida 46 million yevro ishlab olishi kerak. "Chelsi" ham yo‘qotishlarning ruxsat etilgan miqdoridan oshib ketgani uchun Premyer-liga tomonidan jarimaga tortilmoqda, bu esa hujumchi bilan tezda xayrlashish zarurligini yanada keskinlashtirmoqda.
Qayd etilishicha, hattoki Chempionlar ligasiga chiqish ham "Roma"ga barcha vaziyatlarni hisobga olgan holda Romelu Lukakuning transferini amalga oshirishda yordam bermaydi, hujumchining o‘zi esa Saudiya Arabistoniga ko‘chib o‘tishdan manfaatdor emas.
