"Рома"га ижарага берилган "Челси" ҳужумчиси Ромелу Лукаку мавсум оралиғида сотилиши мумкин.

30 ёшли футболчининг римликлар сафида ўйнашни давом эттириши даргумон, чунки клуб учун "Челси"нинг трансфер талабини қондириш қийин бўлади ва қайта ижарага бериш варианти лондонликларга мос келмайди. TMW таъкидлаганидек, бельгиялик футболчини сотиб олиш ва маоши билан боғлиқ барча харажатларни ҳисобга олган ҳолда соф йўқотишларга йўл қўймаслик учун келаси ёзда "кўклар" Лукакуни сотишдан камида 46 миллион евро ишлаб олиши керак. "Челси" ҳам йўқотишларнинг рухсат этилган миқдоридан ошиб кетгани учун Премьер-лига томонидан жаримага тортилмоқда, бу эса ҳужумчи билан тезда хайрлашиш зарурлигини янада кескинлаштирмоқда.

Қайд этилишича, ҳаттоки Чемпионлар лигасига чиқиш ҳам "Рома"га барча вазиятларни ҳисобга олган ҳолда Ромелу Лукакунинг трансферини амалга оширишда ёрдам бермайди, ҳужумчининг ўзи эса Саудия Арабистонига кўчиб ўтишдан манфаатдор эмас.