"Napoli" yarim himoyachisi Xvicha Kvarasxeliya muntazam ravishda transfer haqidagi mish-mishlar mavzusiga aylanadi. Misol uchun, gruzinni yaqinda "Barselona" bilan bog‘lashdi. Biroq, La Gazzetta dello Sport nashri xabariga ko‘ra, 23 yoshli Kvarasxeliya kelasi yozda o‘zining klubini o‘zgartirishni rejalashtirmayapti.
Xvicha o‘zining rivojlanish davrini yakunlash uchun yana bir mavsumni "Napoli"da o‘tkazmoqchi. Qayd etilishicha, "Napoli" Kvarasxeliyaga mavsumiga kamida 4,5 million yevro to‘laydigan yangi shartnoma taklif qiladi.
Mehnat shartnomasi 2028 yoki 2029 yil o‘rtalarigacha amal qilishi mumkin. U, ehtimol, qaytarib sotib olish variantini o‘z ichiga oladi.
