"Наполи" ярим ҳимоячиси Хвича Кварацхелия мунтазам равишда трансфер ҳақидаги миш-мишлар мавзусига айланади. Мисол учун, грузинни яқинда "Барселона" билан боғлашди. Бироқ, La Gazzetta dello Sport нашри хабарига кўра, 23 ёшли Кварацхелия келаси ёзда ўзининг клубини ўзгартиришни режалаштирмаяпти.

Хвича ўзининг ривожланиш даврини якунлаш учун яна бир мавсумни "Наполи"да ўтказмоқчи. Қайд этилишича, "Наполи" Кварацхелияга мавсумига камида 4,5 миллион евро тўлайдиган янги шартнома таклиф қилади.

Меҳнат шартномаси 2028 ёки 2029 йил ўрталаригача амал қилиши мумкин. У, эҳтимол, қайтариб сотиб олиш вариантини ўз ичига олади.