Ispaniyalik talaba va aktivist Manuyella Tayler Medrado Braziliyada Daniyel Alves sharafiga o‘rnatilgan haykalni olib tashlashni talab qilib, sudga ariza bilan murojaat qildi.
"Biz zo‘rlash madaniyati normallashtirilmagan jamiyat yaratishimiz kerak. Bu haykalni olib tashlash jinsiy jinoyatlar rad etilishi yo‘lida ajoyib imkoniyat bo‘ladi", - deya Medradoning so‘zlarini keltirmoqda Marca.
Alvesning haykali 2020 yilda o‘rnatilgan va sobiq futbolchi qizni zo‘rlashda ayblanganidan so‘ng bir necha bor buzib tashlangan. Alves jinoyati uchun 4,5 yil qamoq jazosiga hukm qilingan.
