"Yuventus"ning sobiq futbolchisi Jorjio Kyellini jamoaga qaytishni rejalashtiryaptimi yoki yo‘qligini aytdi.

Sobiq himoyachi 2005 yildan 2022 yilgacha “Keksa sinyora” safida o‘ynagan, shundan so‘ng "Los-Anjeles"ga ko‘chib o‘tgan va u yerda yaqinda futbolchilik faoliyatini yakunlagan.
Butsalarini mixga ilgan, 39 yoshli italiyalik Amerika klubida qoldi - u o‘yinchilarni rivojlantirish bo‘yicha murabbiy lavozimida ishlamoqda.

"Yuventus" har doim hayotimning muhim qismi bo‘lib qoladi, ammo bu men klubga qaytishim shart degani emas", - dedi Kyellini FIFA rasmiy saytiga bergan intervyusida.

Jorjio Kyellini “Yuventus” safida 561 ta, Italiya terma jamoasi safida esa 117 ta o‘yinda qatnashgan.