Katta ehtimol bilan, agar hujumchi Kilian Mbappe kelasi yozda Parij klubini tark etsa, "PSJ"ning strategik maslahatchisi Luish Kampush fransuz grandidan haydaladi. Bu haqda Sport.es xabar bermoqda.

Manbaga ko‘ra, Kampushning "PSJ"ga taklif qilinishiga asosiy sabablardan biri uning fransiyalik hujumchi bilan ishonchli munosabatlari bo‘lgan. Futbol funksionerining asosiy vazifasi Mbappeni “PSJ” bilan shartnomani uzaytirishga ko‘ndirish edi.

Ta’kidlanishicha, Mbappe "PSJ"ni tark etganidan keyin Parij klubi rivojlanish vektorini o‘zgartiradi.

OAV ma’lumotlariga ko‘ra, Mbappe allaqachon murabbiylar shtabi va jamoadoshlariga joriy mavsum yakunida “PSJ”ni tark etishini ma’lum qilgan.