"Chelsi" bosh murabbiyi Maurisio Pochettino jarohat olgan futbolchilar haqida gapirdi.

Eslatib o‘tamiz, hozirda "ko‘klar" kasalxonasida 12 nafar futbolchi bor. Mavsumning ko‘p qismida jamoa muhim o‘yinchilarsiz, jumladan, sardor Ris Jeymsning yordamidan foydalanmagan holda o‘ynashga majbur bo‘ldi.

"Biz nega shuncha ko‘p jarohat olayotganimizni bilamiz, ammo buni hozircha tushuntira olmaymiz. Ehtimol, bir kun biz hamma narsani aytib berishimiz mumkin, ammo hozircha biz xotirjam va kuchli bo‘lishimiz kerak.

Bizda ajoyib tashkilot bor va biz muammolarni hal qilishga harakat qilyapmiz", - dedi Pochettino matbuot anjumanida.