"Челси" бош мураббийи Маурисио Почеттино жароҳат олган футболчилар ҳақида гапирди.
Эслатиб ўтамиз, ҳозирда "кўклар" касалхонасида 12 нафар футболчи бор. Мавсумнинг кўп қисмида жамоа муҳим ўйинчиларсиз, жумладан, сардор Рис Жеймснинг ёрдамидан фойдаланмаган ҳолда ўйнашга мажбур бўлди.
"Биз нега шунча кўп жароҳат олаётганимизни биламиз, аммо буни ҳозирча тушунтира олмаймиз. Эҳтимол, бир кун биз ҳамма нарсани айтиб беришимиз мумкин, аммо ҳозирча биз хотиржам ва кучли бўлишимиз керак.
Бизда ажойиб ташкилот бор ва биз муаммоларни ҳал қилишга ҳаракат қиляпмиз", - деди Почеттино матбуот анжуманида.
