Taniqli insayder Fabrisio Romanoning so‘zlariga ko‘ra, "Barsa" allaqachon Markos Alonso bilan xayrlashishga qaror qilgan.
Himoyachining "ko‘k-anorranglilar" bilan shartnomasi tugaydi va yozda u erkin agentga aylanadi. Mehnat shartnomasi joriy mavsum oxirigacha amal qiladigan Serxi Robertoga to‘xtalsak, u ham klubni tark etishi mumkin.
Romano Robertoning kelajagi jamoa bosh murabbiyi Xavining kelajagiga bog‘liqligini ta’kidladi.
Yanvar oyida Xavi mavsum oxirida "Barselona"ni tark etish qarorini e’lon qilgan edi.
Mish-mishlarga ko‘ra, klub prezidenti Joan Laporta mutaxassisni qolishga ko‘ndirishga harakat qiladi.
