Turkiya futbol federasiyasi "Fenerbaxche" bilan sodir bo‘lgan voqea uchun "Trabzonspor"ni jazoladi.
Superliganing 30-turidan o‘rin olgan “Fenerbaxche” mehmonda 3:2 hisobida g‘alaba qozongan o‘yindan so‘ng, Trabzon klubi muxlislari maydonga yugurib chiqib, maydon markazida bayram o‘tkazayotgan mehmon jamoa futbolchilariga hujum qilishdi. Futbolchilar xavfsizlik va polisiya hamrohligida kiyinish xonasiga yo‘l olishdi.
Mamlakat futbol rahbariyati “Trabzonspor” keyingi oltita o‘yinini tomoshabinlarsiz o‘tkazishga qaror qildi. Shuningdek, u 3 million lire (deyarli 87 ming yevro) jarimaga tortildi.
"Trabzonspor" murabbiylar shtabi a’zosi Egemen Qo‘rqmaz mushtlashuvda ishtirok etgani uchun bir o‘yinga diskvalifikasiya qilindi. Xuddi shu sababga ko‘ra, "Fenerbaxche" futbolchilari Djeyden Ostervolde va Irfan Egribayat ham bir o‘yinga diskvalifikasiya qilindi.
"Trabzonspor" federasiyaning qaroridan norozi bo‘lib, o‘z tvitterida tegishli xabarni joylashtirdi: "Bunday adolat jahannam! O‘rningdan tur va iste’foga chiq!".
