Ispaniya matbuoti xabariga ko‘ra, "Real Madrid" Londonning "Chelsi" klubi futbolchisi Koul Palmerga e’tibor qaratgan. Ma’lumki, Palmer ayni damda Yevropada eng tez rivojlanayotgan yosh futbolchilardan biri.
Manbaga ko‘ra, Madridning "Real" klubi Koulning keyingi rivojlanishini faol kuzatib boradi va yaqin kelajakda u bilan shartnoma imzolashi mumkin.
"Chelsi"ga qadar Palmer "Manchester Siti"da o‘ynagan.
Kecha Koul "Manchester Yunayted" bilan duelda xet-trik qayd etdi. Bu mavsumda u "ko‘klar"ning eng qimmatli va samarali o‘yinchisi, xususan, penaltini deyarli mukammal tepuvchi futbolchisi sanaladi.
