Shanba kuni Italiya A Seriyasida "Roma" va "Lasio" o‘zaro kurash olib borishdi. Rim derbisida “bo‘rilar” minimal 1:0 hisobida zafar quchdi. Yagona golni himoyachi Janluka Manchini kiritdi.
O‘yindan so‘ng ijtimoiy tarmoqlarda tribunadan olingan video e’lon qilindi. Unda g‘alaba va goldan xursand bo‘lgan Manchini "Lasio" rangidagi bayroqni hilpiratayotgani, unda kalamush tasvirlangan. “Roma” futbolchisining bunday harakatini prinsipial raqibga nisbatan haqorat deb hisoblash mumkin.
"Roma" ayni damda Italiya chempionati turnir jadvalida 5-o‘rinni egallab turibdi. Daniele de Rossi jamoasi Chempionlar Ligasi zonasidan atigi ikki ochko ortda qolmoqda.
