Шанба куни Италия А Сериясида "Рома" ва "Лацио" ўзаро кураш олиб боришди. Рим дербисида “бўрилар” минимал 1:0 ҳисобида зафар қучди. Ягона голни ҳимоячи Жанлука Манчини киритди.
Ўйиндан сўнг ижтимоий тармоқларда трибунадан олинган видео эълон қилинди. Унда ғалаба ва голдан хурсанд бўлган Манчини "Лацио" рангидаги байроқни ҳилпиратаётгани, унда каламуш тасвирланган. “Рома” футболчисининг бундай ҳаракатини принципиал рақибга нисбатан ҳақорат деб ҳисоблаш мумкин.
"Рома" айни дамда Италия чемпионати турнир жадвалида 5-ўринни эгаллаб турибди. Даниэле де Росси жамоаси Чемпионлар Лигаси зонасидан атиги икки очко ортда қолмоқда.
