Fransiyada mahalliy chempionatning 28-turi o‘yinlari bo‘lib o‘tmoqda, “PSJ” o‘z maydonida “Klermon”ni qabul qildi, biroq Liga 1 autsayderini mag‘lub eta olmadi.
Parij klubi braziliyalik himoyachi Markinyosning klub safidagi 435-o‘yinini munosib nishonlay olmadi – bu “PSJ” klubi rekordining takrorlanishi bo‘ldi. Avvalgi yagona rekordchi, o‘tgan asrda klub safida to‘p tepgan Jan-Mark Pilorj ham shuncha o‘yin o‘tkazgan. Markinyos 2013 yilning 17 sentyabrida "PSJ" safidagi ilk o‘yinini Chempionlar Ligasi doirasida “Olimpiakos”ga qarshi o‘tkazgan.
Liga 1ning navbatdagi turida “PSJ” o‘z maydonida “Lion”ni qabul qiladi.
