"Lasio" hujumchisi Chiro Immobile manfaatlarini himoya qiluvchi agent Alessandro Modji mijozining kelajagi haqida gapirdi.
Bir necha bor xabar qilinganidek, "burgutlar" sardori muxlislar bilan mojaro tufayli kelasi yozda klubini o‘zgartirishi mumkin.
"Chiro - "Lasio" tarixining bir qismi, u sardor. U Rimda yaxshi harakat qilmoqda, ammo mavsum yakuniga qadar va keyin ko‘p narsa bo‘lishi aniq. Immobilening irodasi, u ko‘p yillar davomida ko‘rsatganidek, Rimda qolish va "Lasio" libosini kiyishda davom etish, ammo yozgi transfer oynasida turli vaziyatlar bo‘lishi mumkin" - dedi Modji Sport Mediaset nashriga.
