"Лацио" ҳужумчиси Чиро Иммобиле манфаатларини ҳимоя қилувчи агент Алессандро Моджи мижозининг келажаги ҳақида гапирди.
Бир неча бор хабар қилинганидек, "бургутлар" сардори мухлислар билан можаро туфайли келаси ёзда клубини ўзгартириши мумкин.
"Чиро - "Лацио" тарихининг бир қисми, у сардор. У Римда яхши ҳаракат қилмоқда, аммо мавсум якунига қадар ва кейин кўп нарса бўлиши аниқ. Иммобиленинг иродаси, у кўп йиллар давомида кўрсатганидек, Римда қолиш ва "Лацио" либосини кийишда давом этиш, аммо ёзги трансфер ойнасида турли вазиятлар бўлиши мумкин" - деди Моджи Sport Mediaset нашрига.
