"Atletiko" hujumchisi Alvaro Morata uchinchi marta "Yuventus"ga o‘tishi mumkin. Bu haqda Tuttosport xabar bermoqda.

Agar hujumchilar Moyze Kin va Arkadiush Milik jamoani tark etsa, "byankoneri" ispaniyalik futbolchi bilan shartnoma imzolashga harakat qiladi. Ammo bu holatda ko‘p narsa turinliklar ushbu transferlar uchun qancha mablag‘ olishlari va "matraschilar" qanday shartlar qo‘yishiga ham bog‘liq bo‘ladi.

31 yoshli hujumchi joriy mavsum barcha turnirlarda 41 ta o‘yin o‘tkazib, 20 ta gol urdi va 3 ta golga assistentlik qildi.