"Real Madrid" "Man Siti"ning "Santyago Bernabeu" maydonini tanqid qilishlaridan hayratga tushdi.
Kecha Madridda "Real" Chempionlar ligasi 1/4 finali birinchi o‘yinida "Manchester Siti" bilan durang o‘ynadi (3:3).
O‘yindan so‘ng "Siti" ustozi Pep Gvardiola shunday dedi: "Real" maydonni yaxshilashi kerak. Peres yaxshi maydonga ega ekanligiga ishonch hosil qilishi kerak".
Angliyalik yarim himoyachi Rodri maydonni "juda yaxshi emas" deb aytdi. Shuningdek, “Los-Blankos” futbolchilari va murabbiylar shtabi maydon holatidan norozi ekani ma’lum bo‘ldi.
AS nashri xabariga ko‘ra, "Real Madrid" tanqidlardan hayratda qolgan, chunki UEFA yoki o‘yin delegatining rasmiy hisobotlarida maydon bilan bog‘liq muammolar qayd etilmagan.
Klubni bunday bayonotlar hayratda qoldirdi, chunki bir oy ichida "Real"ning uy stadionida bor-yo‘g‘i ikkita o‘yin o‘tkazilgan, oxirgi o‘yin esa "Atletik"ga qarshi 31 mart kuni bo‘lib o‘tgan. Ammo Madriz jamoasi 21 aprel kuni bo‘lib o‘tadigan "Barselona"ga qarshi "klasiko" uchun maydon ajoyib holatda bo‘lishini ta’minlash uchun harakat qiladi.
Madriddagi manba shunday deydi: "Bernabeudagi o‘t 10 emas, balki 8 balga loyiq. Barcha stadionlarda shunday o‘t bo‘lishini istardim".
