"Реал Мадрид" "Ман Сити"нинг "Сантьяго Бернабеу" майдонини танқид қилишларидан ҳайратга тушди.
Кеча Мадридда "Реал" Чемпионлар лигаси 1/4 финали биринчи ўйинида "Манчестер Сити" билан дуранг ўйнади (3:3).
Ўйиндан сўнг "Сити" устози Пеп Гвардиола шундай деди: "Реал" майдонни яхшилаши керак. Перес яхши майдонга эга эканлигига ишонч ҳосил қилиши керак".
Англиялик ярим ҳимоячи Родри майдонни "жуда яхши эмас" деб айтди. Шунингдек, “Лос-Бланкос” футболчилари ва мураббийлар штаби майдон ҳолатидан норози экани маълум бўлди.
AS нашри хабарига кўра, "Реал Мадрид" танқидлардан ҳайратда қолган, чунки УEФА ёки ўйин делегатининг расмий ҳисоботларида майдон билан боғлиқ муаммолар қайд этилмаган.
Клубни бундай баёнотлар ҳайратда қолдирди, чунки бир ой ичида "Реал"нинг уй стадионида бор-йўғи иккита ўйин ўтказилган, охирги ўйин эса "Атлетик"га қарши 31 март куни бўлиб ўтган. Аммо Мадриз жамоаси 21 апрель куни бўлиб ўтадиган "Барселона"га қарши "класико" учун майдон ажойиб ҳолатда бўлишини таъминлаш учун ҳаракат қилади.
Мадриддаги манба шундай дейди: "Бернабеудаги ўт 10 эмас, балки 8 балга лойиқ. Барча стадионларда шундай ўт бўлишини истардим".
